صينيه الكفتــهـ بالخضاااار

اليوم عندي لكم صينيه حلووووه وأكيد بتعجب أبو العيال والعيال

صينيه الكفته بالخضار

دجاج مفروم
بصل مفروم
بقدونس وكزبره مفرومين
ثوم
ملح وبهارات

واخلطي هالمكونات مع بعض وسويهن اصابع وشوحيهن بشوي زيت يعني قلبيهن كل شوي على جهه

حتى يعطيك لون بني حلو

بعدين اقلي خضار اللي تحبينه أي نوع وأي شكل _ كوسه - باذنجان - بطاطس - قرع - زهره

اللي تحبينه وبعد ماتخلصين قاليته أثاريك مقطعه بصل وثوم ومشوحته بشوي زيت قلبي الخضار عليه

وملحيه وبهريه وحطيه بصينيه ..

أخلطي في زبديه وفي مويه حاره مقدار كاس..
بهارات
نص حبه ماجي
شوي صفار شوي بس لا تكثرين واذا ماتحبينه لا تحطين مو ضروري

أخلطيهم زين وصبيهم فوق الخضار

بعدين جيبي الكفته وصفيهم فوق الخضار وغطيهم بقصدير ودخليهم الفرن

وخليهم تقريبا من ثلث الى نص ساعه حتى يتسبكون ...

وبس وبالف صحه وعافيه على قلبك

ان شاءالله تعجبكم
_________________